2022 جىلدىڭ قاڭتار-اقپان ايلارىندا مىندەتتى الەۋمەتتىك مەديتسينالىق ساقتاندىرۋ ءۇشىن ەلوردالىقتاردان 8,6 ملرد تەڭگە جارنا اۋدارىمدارى تۇسكەن, دەپ حابارلايدى Egemen.kz.
بۇل تۋرالى الەۋمەتتىك مەديتسينالىق ساقتاندىرۋ قورىنىڭ ەلوردالىق فيليالى مالىمدەدى.
ال جالپى 2017 جىلدىڭ 1 شىلدەسى مەن 2022 جىلدىڭ 28 اقپانى ارالىعىندا نۇر-سۇلتان قالاسى بويىنشا مەديتسينالىق ساقتاندىرۋ ءۇشىن جيناقتالعان جارنا 109,4 ملرد تەڭگەدەن اسا سومانى قۇرادى.
«2022 جىلدىڭ قاڭتار-اقپان ايلارىندا مەديتسينالىق ساقتاندىرۋ ءۇشىن ەلوردالىقتار 8,6 ملرد تەڭگە جارنا اۋدارعان. ونىڭ ىشىندە جۇمىس بەرۋشىلەردىڭ اۋدارىمدارى 4,5 ملرد تەڭگەگە جۋىق, ال جەكە كاسىپكەرلەردەن تۇسكەن جارنا – 4,1 ملرد تەڭگە.
مىندەتتى الەۋمەتتىك مەديتسينالىق ساقتاندىرۋ ءۇشىن تۇسكەن بارلىق جارنا اۋدارىمدارى, ياعني جيناقتالعان قارجى, سەنىمگەرلىك باسقارۋ تۋرالى جاسالعان كەلىسىمشارتقا سايكەس, ۇلتتىق بانكتە ساقتالادى دا, مەديتسينالىق قىزمەتتەر اقىسىن تولەۋگە جۇمسالادى. تمككك جانە ءمامس پاكەتتەرى بويىنشا حالىققا كورسەتىلگەن مەديتسينالىق قىزمەتتەردىڭ ساپاسى مەن كولەمىنە مونيتورينگ جاساپ, تەكسەرگەننەن كەيىن عانا قور جەتكىزۋشىلەرىنە تولەم جۇرگىزىلەدى», دەيدى «الەۋمەتتىك مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ.
مەديتسينالىق ساقتاندىرۋ قورى پاتسيەنتتەر قۇقىعىن قورعايدى. قانداي دا ءبىر سۇراقتار تۋىنداعان جاعدايدا: Qoldau 24/7 ءموبيلدى قوسىمشاسى, @saqtandyrybot تەلەگرامبوتى, 1406 باي̆لانىس ورتالىعى, قوردىڭ fms.kz ساي̆تى سەكىلدى كەرى باي̆لانىس ارنالارى ارقىلى قورعا حابارلاسۋعا بولادى.